ការរស់នៅប្រចាំថ្ងៃជៀសមិនផុតទេ ពីរឿងកុហកបោកប្រាស់នោះ។ ការកុហក់មានច្រើនប្រភេទណាស់ដូចជា អ្នកខ្លះកុហកដើម្បីសប្បាយ អ្នកខ្លះកុហកដើម្បីធ្វើឲ្យអ្នកសប្បាយចិត្ត តែសូមប្រយ័ត្នចំពោះអ្នកដែលកុហកដើម្បីយកផលប្រយោជន៍ពីអ្នក ព្រោះថាពួកនេះធ្វើឲ្យអ្នកអស់ទ្រព្យ និងធ្វើឲ្យជីវិតអ្នកជួបនឹងគ្រោះថ្នាក់។
តើធ្វើដូចម្តេចដើម្បីដឹងថាគេកំពុងកុហកយើង?
ភាគច្រើនអ្នកដែលកុហកយើងបាន ទាល់តែអ្នកនោះជាមនុស្សដែលយើងស្គាល់ តែមិនជាជិតស្និតប៉ុន្មានទេ។ ហើយការស្គាល់គ្នាតិចៗនេះហើយដែលធ្វើឲ្យគេងាយស្រួល កុហក ឬបោកបញ្ឆោតយើងបាន។ វិធីខាងក្រោមនេះគឺអាចប្រើបាន គ្រប់កាលៈទេសៈទាំងអស់។
ដើម្បីដឹងថាអ្នកណាចង់កុហកយើង ដំបូងយើងត្រូវដឹងពីអ្នកនោះជាមុនសិន ដោយតាមរយៈការអង្កេតរបស់យើង។ យើងសួរខ្លួនឯងថា ៖
ជាធម្មតាគាត់ម្នាក់ហ្នឹងនិយាយស្តីយ៉ាងម៉េច?
តើសំលេងរបស់គាត់ម្នាក់ហ្នឹង និយាយខ្លាំងៗ ឬខ្សោយ?
តើនៅពេលនិយាយគាត់ មានកាយវិការយ៉ាងម៉េចខ្លះ លើកដៃ លើកជើងឬអត់?
នៅពេលដែលយើងដឹងពីការនិយាយស្តីនៅពេលដែលគាត់និយាយធម្មតារបស់គាត់ហើយ យើងនឹងចាំអង្កេតមើលគាត់បន្តទៀត។ ប្រសិនបើគាត់ចង់កុហកយើងមែន នោះការនិយាយស្តីរបស់គាត់នឹងប្តូរភ្លាម។
ប្រសិនបើអ្នកខកខានមិនបានអង្កេតការនិយាយស្តីជាធម្មតារបស់គាត់ទេ នោះអ្នកនឹងមិនដឹងថាមានអ្វីប្លែកនោះទ្បើយ ដូចនេះចំណុចពិសេសយើងត្រូវធ្វើការអង្កេត។
បន្ទាប់ពីអ្នកធ្វើការអង្កេតហើយ អ្នកត្រូវស្វែងរកសញ្ញាមួយចំនួនដែលបញ្ជាក់ថា គាត់ម្នាក់ហ្នឹងចង់កុហកយើងមែនឬអត់។
មានសញ្ញាមួយចំនួនដែលអ្នកត្រូវកត់សំគាល់ដូចជា៖
សំលេងរបស់គាត់៖ តើបុរសម្នាក់នោះមានដូរសំទ្បេងរបស់គាត់ឬ អត់ ឬក៏សំទ្បេង ឮខ្លាំងជាងមុន ឬក៏ខ្សោយជាងមុន។
ភ្នែក៖ មើលភ្នែករបស់គាត់ប្រសិនបើគាត់និយាយដល់កន្លែងដែលគាត់ចង់កុហក់យើង នោះគាត់មិនហានមើលយើងចំៗនោះទេ ព្រោះថាមនុស្សយើងនៅពេលដែលកុហកគេតែងតែងាកចេញពីគេព្រោះមានកូនចិត្តមួយខ្លាចគេដឹង។
កាយវិការ៖ តើដៃ ជើង និងដងខ្លួនរបស់គាត់ មានអ្វីប្លែកឬអត់? បើគាត់ចង់និយាយកុហក់ គាត់នឹងនៅមិនសុខក្នុងខ្លួនទេ គាត់នឹងធ្វើដៃធ្វើជើងជាមិនខាន ងាកទៅនេះ ងាកទៅនោះ ព្រោះថាធ្វើចលនាដងខ្លួនបែបនេះអាចជួយឲ្យអ្នកដែលចង់កុហកបាត់ភ័យហើយអាចធ្វើឲ្យយើងមិនចាប់អារម្មណ៍នឹងរូបគេផង។
ប្រសិនបើអ្នកសង្ស័យចំណុចណាមួយ អ្នកអាចដឹងបានភ្លាមថាគាត់កំពុងកុហក។
ប្រសិនបើអ្នកសង្ស័យចំណុចណាមួយ អ្នកអាចដឹងបានភ្លាមថាគាត់កំពុងកុហក។
