បណ្តាក្រុមអ្នកស្រាវជ្រាវមួយបានបញ្ចេញរបកគំហើញនាពេលថ្មីៗនេះថា ស្ត្រីដែលមានការវិវត្តន៍អស់រដូវលឿន គឺនៅមុនអាយុ ៤៦ ឆ្នាំ ប្រឈមមុខនឹងការហានិភ័យនៃការកើតមានជំងឺបេះដូង ព្រមជាមួយជំងឺដទៃទៀតដែលពាក់ព័ន្ធនឹងបេះដូងនាពេលអនាគត។ របកគំហើញត្រូវបានបញ្ចេញឲ្យដឹងនាកិច្ចប្រជុំមួយនៅក្នុងទីក្រុង San Diego សហរដ្ឋអាមេរិក។ លោកវេជ្ជបណ្ឌិត Melissa Wellons ដែលមានការពាក់ព័ន្ធនិងការស្រាវជ្រាវនេះ ក៏ថ្លែងឲ្យដឹងផងដែរថា ការស្រាវជ្រាវនេះមានប្រយោជន៍ណាស់ចំពោះស្រ្តី តួយ៉ាងលទ្ធផលដែលត្រូវបានរកឃើញនៅពេលនេះ។ ដូច្នេះស្ត្រីទាំងឡាយគួរគប្បីត្រូវប្រឹងប្រែងព្យាយាមធ្វើយ៉ាងណាឲ្យអ័រម៉ូននៅដំណើរការមុនវ័យ ៤៦ ឆ្នាំ ដោយការហាត់ប្រាណ ការទទួលទានអាហារណាដែលមានប្រយោជន៍ដល់រាងកាយ។ សូមបញ្ជាក់ថា ក្រុមអ្នកស្រាវជ្រាវបានធ្វើអង្កេតទៅលើស្រ្តីចំនួន ២៥០០ នាក់ ដែលមានអាយុចាប់ពី ៤៥ ដល់ ៨៥ ឆ្នាំ ដែលការសិក្សានេះចាប់ផ្តើមតាំងតែពីឆ្នាំ ២០០០ មកម្លេះ៕

ស្រី្តអស់រដូវមុនវ័យនាំឲ្យកើតជំងឺបេះដូង